****
كتبتها ايام حكم اخوان الشسطان
***
-ولمّا نهر النيل بيغضب
ينتفض شعري يدافع
الكلام طلقات بتخرج
زى زخات المدافع
امى قالت.. هدهده
مش هتمنعني موانع
النيل دا أصل محبتي
هو بعد العشق دافع؟*
ومعدش ف فصول السنه غير الخريف
وبننتظر.. زي الشجر.. هلة ربيع
الوهم فرّخ فى العقول
وعلى الرصيف
التوهه عنوان السكك....
تاه الجميع
واتشعبت بينا المسالك
واللى سالك للضياع
الايه واضحه فى الكتاب
.مصر لايمكن تضيع.
غيرنا بيعمل م الفسيخ أجمل عصير
واحنا بندفُق غلنا فى لبن الرضيع
غيرنا بيزرع ف الصحارى حلمها
وبنسحل الحلم الجميل.....
ينهار صريع
لما جه الفجر اللى تاه عن سكته
سمعنا الأداان
واللى كان ماشى وغيره مسّنده
أصبح بقوة 100حصان
واتزحزح الجبل المُرابط فى الحلووق
وبدأنا نسمع صوت ..فاروق
واحمد أخو بطرس
وإسحاق ابن جرجس .
.حتى بنتى النونو نورا
وبنت اخويا سعيد..شروق
و تحرك الركب المسافر للعلا
وبدون حادي
زهراتنا فلذاتنا
تهتف تنادي
(ارحل يعنى امشي..يالى مابتفهمشي)
بان التاريخ واقف بيهتف فى الميدان
ماتدنسوش أطهر مكان
وماتشتكوش غدر الزمان
كل شىء ممكن يضيع
يفضل.هنا.الأنسان
انتهى الليل اللى طاااااااااااااااال
وبدأنا نعمل فى النهار
أعمال صغار
ووصيه الدم اللى ساااااااااااال
اتجمدت فى عروقنا تلج
وهى نار
جمدها مين؟
جمدها ....اولاد الحمار
الصفوه عزف جنائزي
خطو موحد صوب هاتيك الكراسي
بالنخبة ينقطع الرجا
فإلههم معبودهم.... وسواسنا الخناسِ
اناعمر سيف الحق ما تكسر فى ايدي
انا مش هضيع
ايا الهي انت
مطلع سميع
اهدى أبناء الكنانة
اهدى للخير الجميع
وتْرجّعى ياامّو التاريخ عهدك بقى
طبلية كانت من خشب واتكسرت
ولعت حبال المشنقه
يامحسنين
بلاها كتر اللأ لأه
الشمس هى الشمس حتى بدون نهار
والنسر هو النسر عمره مايبقى فار
والصبر أحلى من العسل ومافيه مرار
كل اللى ليها فى ذمتي دلوقتي قلته
وماعدش باقي فى جعبتى غير القرار
فإليكمووا ... نص القرار
البُعده إخوانا ..الكبار
مصر كانت قبلكم أكبر نهيبه
ودى الحقيقة...
حتى لو كانت غريبه
لكن عليكم تعلموا....
إن اللى يرفس منكم
راح نحبسه فى أوسخ زريبه
اسف على اللفظ اعذرونى بحبها
وقصيدتى دمعه فى حب امى سكبتها
والدمعه.. دمعه. .. بمرها. وبملحها
انا قلتها
********
الشاعر:عادل غتورى
تعليقات
إرسال تعليق